Notkunarskilmálar

1. Notandi verður að vera rétthafi þess símanúmers sem hann skráir í þjónustuna.
2. Til að geta notað þjónustu www.leggja.is, þarf notandi að skrá sig í gegnum www.leggja.is eða í síma 770-1414 Öll þjónusta við viðskiptavini er í þjónustuveri www.leggja.is í síma 770-1414. Opnunartímar þjónustuversins er á gjaldskyldum tíma sem skilgreindur er af Bílastæðasjóði Reykjavíkur hverju sinni.
3. Aðeins er tekið við kreditkortum í þessari þjónustu.
4. Viðskiptavinur skuldbindur sig til að hlíta þeim kjörum og skilmálum sem sett eru hverju sinni og finna má nánari upplýsingar um í gjaldskrá á vef www.leggja.is
5. Stokkur Software ehf. áskilur sér rétt til að breyta gjaldskránni á hverjum tíma en það skal þó tilkynnt með amk. 14 daga fyrir annað hvort á vef þjónustunar eða með SMS eða tölvupósti á notendur þjónustunar.
6. Gjaldskráin fyrir þjónustuna á hverjum tíma mun vera birt á vefnum www.leggja.is. Er gjaldskráin hluti af þessum samningi. Notendur geta einnig fengið upplýsingar um gjaldskrána í þjónustusímanum 770-1414.
7. Notandi heimilar gjaldtöku af greiðslukorti sínu sem hann gefur upp vegna greiðslu fyrir þjónustuna sem honum er veitt samkvæmt uppgefinni gjaldskrá á hverjum tíma. Takist ekki að skuldfæra greiðslukort áskilur Stokkur Software ehf. sér rétt til að innheimta greiðsluna eftir öðrum innheimtuleiðum.
8. Notandi þarf að gefa upp nafn, kennitölu, heimilsfang, farsímanúmer, ökutækjanúmer, greiðslukortanúmer og aðrar nauðsynlegar upplýsingar til að fá aðgang að þjónustunni. Einnig þurfa notendur að merkja ökutæki sitt með merki þjónustunnar, en það þarf að vera á áberandi stað þar sem stöðuverðir Bílastæðasjóðs Reykjavíkur og Hörpunar bílahús geti séð það skýrt og greinilega vinstra megin í neðanverðri framrúðu ökutækisins.
9. Notandi gefur Bílastæðasjóði Reykjavíkur og öðrum aðilum sem þjónustan er í samtarfi við heimild til að gera fyrirspurnir í kerfið vegna þjónustunarinnar til að athuga greiðslu stöðugjalda notanda ofl.
10. Notandi ber ávallt alla ábyrgð á tjóni vegna rangrar notkunar á þjónustunni. Hvort sem er vegna vals á röngu gjaldsvæði sem afleiðing af röngum innslætti eða af öðrum orsökum, þá er það á hans eigin ábyrgð. Slík mistök hafa engin áhrif á rétt Bílastæðasjóðs Reykjavíkur og Hörpunar bílahús til greiðslu tímagjalds eða álagningar og innheimtu stöðvunarbrotagjalds.
11. Notandi er ekki undanskilinn greiðslu stöðugjalds þó þjónustan sé ekki aðgengileg af einhverjum ástæðum, heldur ber honum þá að nýta aðra greiðslumöguleika til greiðslu stöðugjalds.
12. Hafi notandi notað þjónustuna og sannanlega greitt stöðugjald í réttum gjaldflokki yfir ákveðið tímabil, ökutæki hans skráð í þjónustuna og verið merkt skv. gr. 8, en samt sem áður verið gert að greiða tímagjald eða álagningu og innheimtu stöðvunarbrotagjalds af Bílastæðasjóði á sama tímabili, ber notanda að leita til Bílastæðasjóðs um leiðréttingu á stöðvunarbrotagjaldinu.
13. Notandi ber ábyrgð á greiðslum til Stokkur Software ehf. vegna umbeðinnar þjónustu frá farsíma sínum óháð því hver notar farsímann.
14. Notandi heimilar Stokkur Software ehf. að senda honum tilkynningar í pósti, tölvupósti eða með SMS/MMS skilaboðum um efni sem varðar þjónustuna.
15. Stokk Software ehf. er heimilt að loka á þjónustu við notanda fyrirvaralaust, ef Stokkur Software ehf. hefur ástæðu til að ætla að notandi misnoti þjónustuna eða hafi gefið upp rangar upplýsingar við skráningu. Sama á við ef notandi er kominn í vanskil eða ekki reynist unnt að gjaldfæra skráð greiðslukort fyrir umbeðinni þjónustu.
16. Notandi getur tilkynnt um uppsögn á þjónustuni með því að hringja í þjónustusímann 770-1414.
17. Stokkur Software ehf. meðhöndlar persónuupplýsingar í samræmi við ákvæði laga um persónuvernd og meðferð persónuupplýsinga nr. 77/2000.